سوشل میڈیا پر لیک آڈیو میری ہی ہے، مصطفیٰ کمال کی تصدیق

متحدہ قومی موومنٹ (ایم کیو ایم) پاکستان کے سینیئر رہنما مصطفیٰ کمال نے سوشل میڈیا پر رابطہ کمیٹی کی آڈیو لیک میں اپنی اصلی ہونے کی تصدیق کردی۔

 سوشل میڈیا پر لیک آڈیو میں مصطفیٰ کمال یہ کہتے سنائی دے رہے ہیں کہ ن لیگ سے مذاکرات کے لیے پہنچے تو لگا جیسے بن بلائے گئے، جیسے کوئی دروازہ کھول کر اندر آجائے تو آپ بولتے ہیں کہ اچھا آجاؤ۔

انہوں نےمزید کہاکہ ن لیگ نے پیپلز پارٹی سے مذاکرات پر اعتماد میں نہیں لیا، الٹا کہا کہ پیپلزپارٹی کہتی ہے ایم کیوایم کا مینڈیٹ 100 فیصد جعلی ہے، اس لیے ایم کیو ایم سے بات کرنے کی ضرورت نہیں۔

بعدازاں مصطفیٰ کمال نے تصدیق کی کہ سوشل میڈیا پر لیک آڈیو ان کی ہی ہے۔ ا ن کا کہنا تھاکہ آڈیو لیک ہونے سے واضح ہوگیا ایم کیو ایم لندن کے لوگ اب بھی رابطہ کمیٹی میں موجود ہیں، آڈیو لیک ہونے سے اس شخص کا پتا چل گیا ہے جس کو تلاش کر رہے تھے۔

مینڈیٹ جعلی کس نے کہا؟ ایم کیو ایم اور ن لیگ کے مذاکرات کی اندرونی کہانی سامنے آگئی

جب ایم کیو ایم نے دریافت کیا آپ کی پیپلز پارٹی سے کیا بات طے ہوئی تو ن لیگ نے جواب دیاتمام چیزیں خفیہ ہیں اور ان سے لکھ کر بات ہورہی ہے اس لیے وہ بتا نہیں سکتے: ایم کیو ایم ذرائع

خیال رہے کہ گزشتہ دنوں حکومت سازی کیلئے مسلم لیگ (ن) اور متحدہ قومی موومنٹ کے درمیان مذاکرات کے کئی دور ہوئے ہیں اور مصطفیٰ کمال بھی ایم کیو ایم وفد میں شامل تھے۔