01 مارچ ، 2024 
دنیا بھر میں موٹاپے کے شکار افراد کی تعداد ایک ارب سے متجاوز
01 مارچ ، 2024
دنیا بھر میں موٹاپےکے شکار افراد کی تعداد ایک ارب سے تجاوز کر گئی ہے اور یہ وبا بڑوں اور بچوں دونوں میں تیزی سے پھیل رہی ہے۔
یہ بات عالمی ادارہ صحت کے زیرتحت ہونے والی ایک تحقیق میں سامنے آئی۔
تحقیق میں 190 ممالک سے تعلق رکھنے والے لگ بھگ 22 کروڑ افراد کے وزن اور قد کے ڈیٹا کا تجزیہ کیا گیا۔
تحقیق میں انکشاف ہوا کہ 1990 سے 2022 کے دوران بالغ افراد میں موٹاپے کی شرح میں دوگنا جبکہ 5 سے 19 سال کی عمر کے بچوں اور نوجوانوں میں 4 گنا سے زیادہ اضافہ ہوا۔
تحقیق کے مطابق دنیا بھر میں 87 کروڑ 90 لاکھ بالغ افراد جبکہ 15 کروڑ 90 لاکھ بچے یا نوجوان موٹاپے کے ساتھ زندگی گزار رہے ہیں۔
محققین نے کہا کہ بچوں میں موٹاپے کی شرح میں اضافہ تشویشناک ہے اور ایسا اس وقت دیکھنے میں آرہا ہے جب کروڑوں افراد کو مناسب مقدار میں خوراک دستیاب نہیں۔
مشرق وسطیٰ، شمالی افریقا اور کیریبین جزائر ایسے خطے ہیں جہاں موٹاپے کی شرح سب سے زیادہ ہے۔
خیال رہے کہ طبی سائنس میں موٹاپے کو دائمی عارضہ تصور کیا جاتا ہے جس کا علاج ممکن ہے۔
موٹاپے سے جگر پر چربی چڑھنے کے مرض، جوڑوں کے امراض، ہائی کولیسٹرول، ذیابیطس ٹائپ 2، ہائی بلڈ پریشر، امراض قلب، گردوں کے امراض، خراٹے، کینسر اور دیگر بیماریوں کا خطرہ بڑھ جاتا ہے۔
اس تحقیق کے نتائج دی لانسیٹ میڈیکل جرنل میں شائع ہوئے۔
مزید خبریں :
شادی سے صحت کو ہونے والے بہترین فائدے کا انکشاف
9 گھنٹے پہلے
ہارٹ اٹیک اور ذیابیطس جیسے امراض سے بچانے کیلئے بہترین غذا
03 نومبر ، 2024
دودھ کو ابال کر نہ پینےکے کیا نقصانات ہیں؟
03 نومبر ، 2024
موسم سرما میں قوت مدافعت کو بڑھانے والی غذائیں
02 نومبر ، 2024
ملک میں پولیو وائرس کے مزید 2 کیسز سامنے آگئے، تعداد 45 ہوگئی
02 نومبر ، 2024
خراٹوں سے دماغی تنزلی کا خطرہ بڑھتا ہے، تحقیق
01 نومبر ، 2024
جگر کو نقصان پہنچنے کی 5 سب سے بڑی ابتدائی نشانیاں
01 نومبر ، 2024
