حارث رؤف کے سینٹرل کنٹریکٹ کی معطلی چند روز میں ختم ہونے کا امکان

قومی فاسٹ بولر حارث رؤف کے سینٹرل کنٹریکٹ کی معطلی چند روز میں ختم ہونے کا امکان ہے۔

ذرائع کے مطابق فاسٹ بولر حارث رؤف نے چند روز قبل اپنی معطلی کے خلاف پی سی بی کو اپیل کی تھی اور دورہ آسٹریلیا سے دستبردار ہونے کی وجوہات سے تفصیلی آگاہ کیا تھا۔

ذرائع کا کہنا ہے کہ  پی سی بی قانونی طور پر حارث رؤف کی اپیل کا جائزہ لے رہا ہے۔

یاد رہے کہ پی سی بی نے پی ایس ایل کے آغاز سے چند روز قبل حارث رؤف کا سینٹرل کنٹریکٹ 30 جون تک معطل کر دیا تھا۔

ٹیسٹ کھیلنے سے انکار، پی سی بی نے حارث رؤف کا سینٹرل کنٹریکٹ ختم کردیا

یہ فیصلہ دورہ آسٹریلیا 24-2023 کے لیے پاکستان کے ٹیسٹ اسکواڈ میں شامل ہونے سے ان کے انکار کی تحقیقات کی روشنی میں کیا گیا ہے

پی سی بی نے حارث رؤف کا سینٹرل کنٹریکٹ دورہ آسٹریلیا سے انکار کے بعد معطل کرنے کا فیصلہ کیا تھا۔

اس کے علاوہ  پی سی بی نے حارث رؤف کو کرکٹ لیگز میں شرکت کے لیے این او سی نہ دینے کا بھی اعلان کیا تھا۔