ترک صدر کا شہبازشریف کو فون، وزیراعظم منتخب ہونے پرمبارکباد

ترک صدر طیب اردوان نے نومنتخب وزیراعظم شہباز شریف کو فون کرکے دوسری مرتبہ وزیراعظم منتخب ہونے پر انہیں مبارکباد پیش کی۔

ترک صدر نے پاکستان کو ترقی کی راہ پرگامزن کرنے کی شہبازشریف کی صلاحیت پراعتماد کا بھی اظہار کیا۔

اس موقع پر نو منتخب وزیراعظم شہبازشریف نے دونوں ملکوں کے درمیان برادرانہ تعلقات کی اہمیت پرزور دیا۔

شہباز شریف دوسری مرتبہ وزیراعظم پاکستان منتخب

شہباز شریف نے 201 ووٹ حاصل کیے جبکہ ان کے مدمقابل عمر ایوب خان نے 92 ووٹ حاصل کیے

خیال رہے کہ گزشتہ روز قومی اسمبلی کے اجلاس میں نومنتخب اراکین نے شہباز شریف کو  قائد ایوان اور ملک کا نیا وزیراعظم منتخب کر لیا تھا۔

نو منتخب وزیر اعظم نے 201 ووٹ حاصل کیے تھے جبکہ ان کے مخالف سنی اتحاد کونسل کے امیدوار عمر ایوب کو 92 ووٹ حاصل ہو سکے تھے۔

اس سے قبل چینی صدر شی جن پنگ اور ایرانی صدر ابراہیم رئیسی نے شہباز شریف کو  وزیراعظم منتخب ہونے پر مبارکباد پیش کی تھی۔