05 مارچ ، 2024 
پاکستان
وزیراعلیٰ نے بانی پی ٹی آئی کو صوبے میں آئندہ کی حکمت عملی سے آگاہ کیا: ذرائع— فوٹو:فائل
علی امین کی جیل میں عمران خان سے ملاقات، کابینہ کے حوالے سے مشاورت کی
05 مارچ ، 2024
خیبرپختونخوا کے وزیراعلیٰ علی امین گنڈا پور نے اڈیالا جیل میں سابق وزیراعظم و پاکستان تحریک انصاف کے بانی عمران خان سے ملاقات کی۔
علی امین گنڈاپور کی بانی پی ٹی آئی سے ڈیڑھ گھنٹہ ملاقات جاری رہی۔ ذرائع کے مطابق ملاقات میں خیبرپختونخوا کی سیاسی صورتحال اور مقدمات پر گفتگو ہوئی۔
ذرائع نے بتایاکہ وزیراعلیٰ نے بانی پی ٹی آئی کو صوبے میں آئندہ کی حکمت عملی سے آگاہ کیا۔
ذرائع کا کہنا ہے کہ ملاقات میں خیبرپختونخوا میں نئی کابینہ کی تشکیل پر بھی گفتگو ہوئی اور علی امین گنڈا پور نے بانی پی ٹی آئی سے کابینہ کےبارے میں مشاورت مکمل کرلی۔
