حجامو کریک کے قریب سمندر میں ڈوبنے والے 32 ماہی گیر گھر پہنچ گئے، 13 تاحال لاپتہ

 ٹھٹہ اور کراچی کے درمیان حجاموکریک کے قریب سمندر میں ڈوبنے والے 45 ماہی گیروں میں سے 32 گھرپہنچ گئے۔

ترجمان کوسٹل میڈیا سینٹرکمال شاہ کے مطابق ٹھٹہ اور کراچی کے درمیان حجامو کریک کے قریب کھلے سمندر میں ماہی گیروں کی کشتی ڈوب گئی۔

گزشتہ رات ڈوبنے والی کشتی میں 45 ماہی گیر سوار تھے، کشتی میں موجود ماہی گیروں کا تعلق ابراہیم حیدری سے ہے۔

ترجمان نے بتایاکہ مقامی ماہی گیروں اور اپنی مدد آپ کے تحت 32 ماہی گیر واپس پہنچ گئے جبکہ 13 تاحال لاپتہ ہیں۔

پیپلز پارٹی کے رکن قومی اسمبلی آغا رفیع اللہ کا کہنا ہے کہ صوبائی اور وفاقی حکومتیں لاپتہ ماہی گیروں کی تلاش میں تعاون نہیں کر رہی ہیں اور لاپتہ ماہی گیروں کے اہل خانہ اپنے پیاروں کیلئے پریشان ہیں۔