مریم اورنگزیب وزیراعلیٰ پنجاب کی معاون خصوصی مقرر، عظمیٰ بخاری وزیر اطلاعات ہونگی

لاہور: مریم اورنگزیب کو وزیراعلیٰ پنجاب کا معاون خصوصی مقرر کردیا گیا اور انہیں سینئر وزیر بھی بنایا جائے گا۔

ذرائع کے مطابق مریم اورنگزیب کو سینئر وزیر برائے پلاننگ اینڈ ڈیولپمنٹ سمیت جنگلات اور جنگلی حیات کی وزارت بھی دی جارہی ہے جب کہ عظمیٰ بخاری کو وزیر اطلاعات بنایا جائے گا۔

ذرائع نے بتایا کہ کاظم پیرزادہ کواریگیشن، رانا سکندرحیات کوپرائمری ایجوکیشن، خواجہ عمران نذیرکوپرائمری ہیلتھ اور خواجہ سلمان رفیق کو اسپیشلایزڈ ہیلتھ کی وزارت دی  جائے گی۔

ذرائع کے مطابق عاشق کرمانی کو زراعت، خلیل طاہر سندھو کو انسانی حقوق، رمیش اروڑہ کو اقلیتی امور، فیصل کھوکھر کو کھیل، ذیشان رفیق کو بلدیات اور سہیل بھرت کو مواصلات کی وزارت دی جارہی ہے۔

ذرائع نے مزید بتایا کہ چوہدری شافع حسین کو بزنس اینڈ انڈسٹری اور شیر علی گورچانی کو مائنز اینڈ منرل کی وزارت دی جارہی ہے۔

پنجاب کابینہ آئندہ 2 روز میں حلف اٹھائے گی، رانا ثناکو مشیر قانون بنائے جانے کا امکان

رانا ثنا کو وفاق میں لیے جانے کی تجویز بھی زیرغور ہے، عظمیٰ بخاری کووزیراطلاعات پنجاب بنایا جائے گا: ذرائع

نواز شریف کی ہی قیادت رہے گی اور فیصلے بھی ان کے ہوں گے: خواجہ آصف

ہنسی آتی ہے کہ وہ لوگ مطالبے کرتے ہیں جنہوں نے پانچ پانچ جماعتیں تبدیل کی ہیں: رہنما (ن) لیگ