پاکستان ٹیم کیلئے غیر ملکی کوچز کی تلاش، پی سی بی کی نظریں کس پر؟

لاہور: قومی ٹیم کےکوچنگ اسٹاف کے معاملے پر پاکستان کرکٹ بورڈ نے کچھ کوچزپر نظریں جما لیں۔

ذرائع کے مطابق ان کوچز میں پی ایس ایل میں بھی خدمات انجام دینے والے کوچز شامل ہیں،اس فہرست میں ڈیرن سیمی اور مائیک ہیسن کے نام بھی شامل ہیں۔

اس کے علاوہ سر ویوین رچرڈز کا نام بھی مینٹورشپ کے لیے زیر غور آیا ہے۔

پاکستان ٹیم کیلئے غیر ملکی کوچز کی تلاش ہنگامی بنیادوں پر شروع کرنیکا فیصلہ

قومی ٹیم کیلئے مضبوط سپورٹ اسٹاف اور کوچنگ اسٹاف سے متعلق آئندہ ہفتے پیشرفت کا امکان ہے: ذرائع

ذرائع کا بتانا ہے کہ پی سی بی جلد کوچنگ اسٹاف کو حتمی شکل دینے کا خواہشمند ہے۔

پاکستان ٹیم نے اپریل کے وسط میں نیوزی لینڈ کے خلاف ٹی ٹوئنٹی سیریز کھیلنی ہے، 5 ٹی ٹوئنٹی میچز کی سیریز راولپنڈی اور لاہور میں 18 اپریل سے شروع ہو گی۔

اس کے علاوہ ٹی ٹوئنٹی ورلڈ کپ سے قبل پاکستان نے آئر لینڈ اور انگلینڈ کے خلاف بھی ٹی ٹوئنٹی سیریز کھیلنی ہیں۔