غزہ: گزشتہ 24 گھنٹوں کے دوران اسرائیلی حملوں میں مزید 86 فلسطینی شہید

غزہ: گزشتہ 24 گھنٹوں کے دوران اسرائیلی فورسز کے حملوں میں مزید 86 فلسطینی شہید اور 113 فلسطینی زخمی ہوگئے۔

فلسطینی وزارت صحت کے مطابق غزہ کی پٹی میں 7 اکتوبر سے جاری اسرائیلی جارحیت کے نتیجے میں اب تک 30 ہزار 717 فلسطینی شہید اور 72 ہزار 156 فلسطینی زخمی ہوچکے ہیں۔

دوسری جانب رمضان سے قبل جنگ بندی کے لیے مصر میں مذاکراتی دور جاری ہیں تاہم اب تک مذاکرات میں کوئی بریک تھرو نہیں ہوا ہے۔

حماس نے آج جاری اپنے بیان میں کہا ہے کہ حماس غزہ میں جاری جارحیت کے خاتمے کے لیے درکار لچک دکھا رہی ہے لیکن اسرائیل اب بھی کسی معاہدے سے کترارہا ہے۔

صیہونی افواج کا امداد کے منتظر فلسطینیوں پر ایک ہفتے میں تیسرا حملہ، کئی فلسطینی شہید

رفح اور خان یونس پر حملوں میں بھی مزید 25 فلسطینی شہید، غزہ میں صرف 150 دن میں شہید فلسطینیوں کی تعداد 30 ہزار سے متجاوز ہو چکی ہے: اقوام متحدہ

اسرائیل سےمعاہدہ ہونے تک جنگ بندی مذاکرات جاری رکھیں گے: حماس

رمضان سے قبل 40 روزہ جنگ بندی کے لیے حماس، قطر، اور مصر کے مذاکرات کار قاہرہ میں موجود ہیں۔