08 مارچ ، 2024 
غزہ میں فضا سے گرائی جانے والی امداد بھی فلسطینیوں کی جان لینے لگی، 5 شہید
08 مارچ ، 2024
مقبوضہ فلسطین کے محصور علاقے غزہ میں فضا سے گرائی جانے والی امداد کی زد میں آکر 5 فلسطینی شہید ہوگئے۔
عرب میڈیا کے مطابق ہوائی جہاز سے گرائی جانے والی امداد شمالی غزہ کے علاقے شیخ رضوان میں گری جہاں یہ افسوس ناک واقعہ پیش آیا۔
میڈیا رپورٹس میں بتایا گیا ہے کہ مذکورہ علاقے میں لوگ امداد کے انتظار میں کھڑے تھے تاہم امدادی سامان کے ساتھ منسلک پیراشوٹ نہ کھلنے کی وجہ امدادی سامان نیچے کھڑے لوگوں پر آگرا۔
ابتدائی معلومات کے مطابق حادثے کے نتیجے میں 2 افراد موقع پر ہی شہید ہوگئے جبکہ 3 شدید زخمی افراد کو کمال عدوان اسپتال منتقل کیا گیا جہاں وہ جان کی بازی ہار گئے۔
یاد رہے کہ گزشتہ دنوں غزہ میں امداد کے منتظر افراد پر اسرائیلی فوج کی جانب سے ایک سے زائد حملے ہوئے جن کے نتیجے میں متعدد افراد ہلاک و زخمی ہوئے۔
مزید خبریں :
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
