13 مارچ ، 2024 
پاکستان
دھماکے میں 2 افراد زخمی بھی ہوئے، جاں بحق خاتون اور بچوں کی لاشوں اور زخمیوں کو فوری اسپتال منتقل کردیا گیا: چیف فائربریگیڈ آفیسر عبدالحق/ فائل فوٹو
کوئٹہ: گھر میں گیس لیکیج کے باعث دھماکہ، خاتون اور دو بچے جاں بحق
13 مارچ ، 2024
کوئٹہ کے ائیرپورٹ روڈ پر قائم گھر میں گیس لیکیج کے باعث ہونے والے دھماکے نے خاتون اور 2 بچوں کی جان لے لی۔
چیف فائربریگیڈ آفیسر عبدالحق کے مطابق گھر میں دھماکے کی اطلاع ملتے ہی ریکسیو اور فائر بریگیڈ کی گاڑیاں موقع پر پہنچ گئیں۔
چیف فائربریگیڈ نے بتایا کہ گیس دھماکے کے باعث گھر میں آگ لگ گئی تھی جس کی زد میں آکر خاتون اور 2 بچے جاں بحق اور 2 افراد زخمی ہوگئے۔
چیف فائربریگیڈ کے مطابق جاں بحق خاتون اور بچوں کی لاشوں اور زخمیوں کو فوری اسپتال منتقل کردیا گیا جبکہ گھر میں لگی آگ پر مکمل قابو پالیا گیا ہے۔
