پی ٹی آئی ترجمان نے مخصوص نشستیں نہ ملنے کی ذمہ داری وکیل رہنما قاضی انور پر ڈال دی

پاکستان تحریک انصاف (پی ٹی آئی) خیبرپختونخوا میں اختلاف شدت اختیار کرگئے۔

ترجمان پی ٹی آئی معظم بٹ نے مخصوص نشستیں نہ ملنے کی ذمہ داری پارٹی کے سینیئر وکیل قاضی انور ایڈوکیٹ پر ڈال دی۔

ترجمان پی ٹی آئی معظم بٹ نے کہا کہ مخصوص نشتوں کیلئے ہمارے وکلا  کا  فارمولہ ٹھیک نہیں تھا ورنہ یہ ہو ہی نہیں سکتا تھا کہ ہمیں مخصوص نشتیں نہ ملیں۔

انہوں نے کہا کہ مخصوص نشستیں نہ ملنے کا ذمہ دار قاضی انور اور مشعال یوسفزئی کو ٹھہراتا ہوں۔

پشاور ہائیکورٹ نے مخصوص نشستوں سے متعلق سنی اتحاد کونسل کی درخواستیں خارج کردیں

مخصوص نشستیں تب ملتی ہیں جب سیاسی جماعتوں نےسیٹ جیتی ہو، سنی اتحاد کونسل نے کوئی سیٹ جیتی ہی نہیں: پشاور ہائیکورٹ

ان کا کہنا تھاکہ مشعال یوسفزئی سب کی استاد بنی ہوئی ہیں اس طرح کی کارگزاری سے اس طرح کے نتائج آتے ہیں۔

خیال رہے کہ گزشتہ روز پشاور ہائیکورٹ نے مخصوص نشستوں سے متعلق سنی اتحاد کونسل کی درخواستیں خارج کردیں تھیں۔