17 مارچ ، 2024 
کوشش ہے کہ مئی تک پی آئی اے کی نجکاری کا ٹینڈر مکمل کر لیا جائے: عطا تارڑ
17 مارچ ، 2024
وفاقی وزیر اطلاعات عطا تارڑ نے کہا ہے کہ حکومت کی کوشش ہے کہ پی آئی اے کی نجکاری کا ٹینڈر مئی میں مکمل کر لیا جائے، جبکہ ہوائی اڈوں کی آؤٹ سورسنگ بھی مکمل کی جائے گی۔
جیو نیوز کے پروگرام جرگہ میں بات چیت کرتے ہوئے انہوں نے کہا کہ مشکل وقت آیا تو پیپلز پارٹی ملک کیلئے ہمارے ساتھ کھڑی ہوگی۔
انہوں نے کہا کہ صدر آصف زرداری بطور صدر وفاق اور ہماری حکومت کو مضبوط کریں گے۔
وفاقی وزیر اطلاعات کا کہنا تھا کہ ملک میں لائی الیکٹرک بائیکس جائیں تو تیل کا خرچہ کم کیا جا سکتا ہے۔
اس سے قبل وفاقی وزیر خزانہ محمد اورنگزیب نے اداروں کی نجکاری کو لازمی قرار دیتے ہوئے کہا تھا کہ ہمارا ایجنڈا صرف عملدرآمد اور نفاذ کا ہے ، حکومت کا کام بزنس چلانا نہیں بلکہ پالیسیاں بنانا ہے اور اگر ارادے پختہ ہوں تو سب کچھ ممکن ہے۔
لاہور میں الیکشن کمیشن آفس میں میڈیا سے گفتگو کرتے ہوئے ان کا کہنا تھا کہ اداروں کی نجکاری ضرور ہوگی اور اس میں سرفہرست پی آئی اے ہے، اداروں کو چلانےکیلئے نجی شعبے کوآگے آنا ہوگا۔
