وزیراعظم کا ورلڈ ایتھلیٹکس میں چاندی کا تمغہ جیتنے پر ارشد ندیم کو نقد انعام

وزیراعظم شہباز شریف نے ورلڈ  ایتھلیٹکس چیمپئن شپ 2023 میں چاندی کا تمغہ جیتنے  پر جیولین تھرور  ارشد ندیم کو 25 لاکھ روپے انعام دے دیا۔

 ارشد ندیم نے وزیراعظم ہاؤس میں وزیراعظم شہباز شریف سے ملاقات کی۔ اس موقع پر وزیر اعظم  نے کہا کہ کم وسائل ہونےکے باوجود ورلڈ چیمپیئن شپ میں چاندی کا تمغہ جیتنا قابل فخر ہے۔ 

وزیر اعظم نے ارشد ندیم سے کہا کہ آپ کی محنت اور لگن نوجوانوں کے لیے مشعل راہ ہے۔ جیولین تھرو کے کھیل کی ترویج کے لیے ارشد ندیم کی خدمات قابل قدر  ہیں، پاکستان میں بے پناہ ٹیلنٹ ہے، اسے نکھارنےکی ضرورت ہے۔ 

وزیراعظم نے ارشد ندیم کے آبائی علاقے میں زیر تعمیر اسپورٹس کمپلیکس کاکام تیز تر کرنے کی ہدایت بھی کی۔

بھارتی جیولین تھرور نیرج چوپڑا نے ارشد ندیم کیلئے آواز بلندکردی

مجھے یقین ہے جیولین بنانے والے ارشد ندیم کو اسپانسر کرکے خوش ہوں گے، ارشد ندیم کو جو چاہیے اسے دینا چاہیے، یہی میری درخواست ہے، نیرج چوپڑا

ارشد ندیم نے تاریخ رقم کردی، ورلڈ ایتھلیٹکس میں پاکستان کیلئے پہلا میڈل جیت لیا

ارشد ندیم نے سلور میڈل جیتا، وہ گولڈ میڈل جیتنے والے بھارت کے نیرج چوپڑا سے آدھے میٹر سے بھی کم فرق کی وجہ سے دوسرے نمبر پر رہے۔