20 مارچ ، 2024 
پاکستان
وزیراعلیٰ نے پنجاب کے 5 شہروں ملتان، فیصل آباد، سیالکوٹ، سرگودھا اور راولپنڈی میں فوری طور پر سائٹ سلیکشن کی ہدایت کی ہے/ فائل فوٹو
پنجاب حکومت کا کم آمدن والوں کیلئے ہاؤسنگ اسکیم شروع کرنے کا فیصلہ
20 مارچ ، 2024
لاہور: پنجاب حکومت نے کم آمدن والوں کے لیے ہاؤسنگ اسکیم شروع کرنے کا فیصلہ کیا ہے۔
وزیراعلیٰ پنجاب مریم نواز کی زیرصدارت کم آمدن والے افراد کے لیے ایک لاکھ گھروں کے پراجیکٹ کا جائزہ اجلاس ہوا جس دوران بریفنگ میں بتایا گیا بورڈ آف ریونیونے17سائٹس کی نشاندہی کی ہےجن کی پڑتال کی جائےگی۔
اس دوران وزیراعلیٰ نے پنجاب کے 5 شہروں ملتان، فیصل آباد، سیالکوٹ، سرگودھا اور راولپنڈی میں فوری طور پر سائٹ سلیکشن کی ہدایت کی۔
مریم نواز نے کہا کہ گھروں کے لیے سائٹ کا انتخاب تمام پہلوؤں کو مدنظر رکھ کر کیا جائے، شہروں میں عوام کی سہولت کے لیے قریب ترین جگہ کا انتخاب ضروری ہے، گھر ہر خاندان کی بنیادی ضرورت ہے،اپنی چھت اپنا گھر پراجیکٹ رہائشی ضرورت پوری کرےگا۔
