21 مارچ ، 2024 
اگر وزیراعلیٰ علی امین کرپشن کریں تو انہیں کون اینٹ مارے گا: فیصل کریم
21 مارچ ، 2024
ڈی آئی خان: پیپلزپارٹی کے ترجمان فیصل کریم کنڈی نے وزیراعلیٰ کے پی کی جانب سے رشوت خور افسران کے سر پھاڑنے کے بیان پر ردعمل کا اظہار کیا ہے۔
ایک بیان میں فیصل کریم کنڈی نے کہا کہ وزیراعلیٰ کے پی کہتے ہیں کرپشن کرنے والےکا سرپھاڑ دیں، اگر وزیراعلیٰ علی امین کرپشن کریں تو انہیں کون اینٹ مارے گا۔
انہوں نے کہا کہ علی امین گنڈا پورکو خود یقین نہیں کہ وہ وزیراعلیٰ بن چکے ہیں، اگر مرکز کے ساتھ تعلقات بگاڑیں گے تو ہمارا صوبہ پیچھے رہے گا۔
پی پی ترجمان کا کہنا تھا کہ 2 اپریل کو سینیٹ کے الیکشن کے بعد حکومت مکمل ہوجائے گی، مشکل فیصلے کرنے ہوں گے، امید ہے بحران سے نکل جائیں گے۔
انہوں نے مزید کہا کہ اسپیکر خیبرپختونخوا چاہتے ہیں مخصوص نشستیں جیتنے والے حلف نہ لیں، اگر اسپیکر نے حلف نہ لیا تو قانون کاسامنا کرنا پڑے گا۔
فیصل کریم کا کہنا تھا کہ وفاقی حکومت سے درخواست کی ہے خیبرپختونخوا کا جو حق ہے وہ دیا جائے، پنجاب اور خیبرپختونخوا میں پیپلز پارٹی کے گورنر ہوں گے جب کہ سندھ اور بلوچستان میں مسلم لیگ (ن) کےگورنر ہوں گے تاہم نام ابھی فائنل نہیں ہوئے ہیں۔
مزید خبریں :
دھند کے باعث اسلام آباد سے لاہور تک موٹروے بند
10 گھنٹے پہلے
پاکستان کے بحرانوں کی وجہ ریموٹ کنٹرول جمہوریت ہے: سعد رفیق
28 دسمبر ، 2024
