یومِ پاکستان پر مختلف شعبوں میں نمایاں کارکردگی دکھانے والی شخصیات کیلئے سول اعزازات

یومِ پاکستان پر مختلف شعبوں میں نمایاں کارکردگی دکھانے والی شخصیات کو  سول اعزازات  سے نوازا گیا۔

ایوان صدر میں یومِ پاکستان پر اعلیٰ ترین سول اعزازات دینےکی تقریب ہوئی جس میں وزیراعظم آزاد کشمیر اور مختلف ممالک کے سفرا شریک ہوئے۔

تقریب میں صدرِ مملکت نے سینیئرسیاست دان راجہ ظفر الحق اور سید قائم علی شاہ کو نشان امتیاز سے نوازا جبکہ سیدطارق فاطمی کو خارجہ امور میں خدمات پر ہلال امتیاز سےنوازا گیا۔

تقریب میں ڈاکٹرمحمدامجد ثاقب کوعوامی خدمات پرہلال امتیاز سےنوازاگیا جبکہ اصلاح الدین صدیقی کو ہاکی کے شعبے میں خدمات پر نشان امتیاز عطا کیا گیا۔

افتخارعارف کوشاعری اورادب کے شعبے میں خدمات پر نشان امتیاز سے نوازا گیا جبکہ معروف شاعر انور مسعود کو ہلال امتیاز سے نوازا گیا۔

سینیئر صحافی اور اینکر پرسن سہیل وڑائچ کو صحافت کے شعبے میں خدمات پرصدارتی اعزاز  برائے حسنِ کارکردگی سے نوازا گیا۔

تقریب میں ائیرمارشل ریٹائرڈ نجیب اخترکو نشان امتیاز  جبکہ مشتاق سکھیرا کوپولیس کے شعبے میں خدمات پر ہلال شجاعت سے نوازا گیا۔ بریگیڈیئر سیدسرفراز  مرحوم کو ہلال امتیاز  بعد از وفات سے نوازا  گیا۔

عوامی خدمات کے شعبے میں مفتی عبدالشکور کو  بعد از  وفات  ہلال امتیاز سے نوازا گیا جبکہ اسی شعبے میں  ناصر محمود کھوسہ، فواد حسن فواد، راجہ نعیم اکبر، کیپٹن ریٹائرڈ زاہد سعید، سبطین فضل علی، اور زاہد اختر زمان کو بھی ہلال امتیازسےنوازا گیا۔

تقریب میں طارق باجوہ کو معاشی خدمات پر ہلال امتیاز  جبکہ طارق محمود پاشاکو عوامی خدمات پر ہلال امتیاز سےنوازا گیا

جاوید اسلم کوعوامی خدمات پر ہلال امتیاز سے نوازا گیا جبکہ فن کے شعبے میں احمد شاہ کو ہلال امتیاز سے نوازا گیا۔

راحت فتح علی خان کو موسیقی کے شعبے میں خدمات پر ہلال امتیاز سے نوازا گیا۔

ایوان صدرکے علاوہ گورنر ہاؤس لاہور، کراچی، پشاور، کوئٹہ اور گورنر سیکرٹریٹ گلگت بلتستان میں بھی ایوارڈ دینےکی تقریبات ہوئیں۔