لیسکو نے پولیس اور ایف آئی اے کے ساتھ ملکر بجلی کی بڑی چوری پکڑ لی، سوا کروڑ کا جرمانہ

لاہور الیکٹرک سپلائی  کمپنی (لیسکو ) اور قانون نافذ کرنے والے اداروں نے کارروائی کرتے ہوئے بجلی کی بڑی چوری پکڑ لی۔

لیسکو ترجمان کے مطابق فیکٹری کے میٹر میں ڈیوائس لگا کر بجلی چوری کی جا رہی تھی، لیسکو نے ایف آئی اے اور پولیس کے ہمراہ کارروائی کرتے ہوئے  بجلی کی بڑی چوری پکڑلی۔

ترجمان لیسکو کا بتانا ہے کہ  ٹیم چیکنگ کے لیے پہنچی تو ملزمان نے سخت مزاحمت بھی کی۔

 ترجمان لیسکو  کے مطابق  بجلی چوری سے متعلق 2 ملزمان کے خلاف مقدمہ درج کرتے ہوئے ان  پر  ایک کروڑ 25 لاکھ جرمانہ عائد کیا گیا ہے۔