26 مارچ ، 2024 
گورنرپنجاب نے پرنسپل ایچی سن کالج کی چھٹی منظورکرلی
26 مارچ ، 2024
گورنرپنجاب بلیغ الرحمان نے پرنسپل ایچی سن کالج مائیکل تھامسن کی 28 دن کی ایکس پاکستان چھٹی منظورکرلی۔
ترجمان گورنر ہاؤس کے مطابق آمنہ کامران اور خالد نون برسار مائیکل تھامسن کی غیرموجودگی میں انتظامی فرائض سرانجام دیں گے۔
خیال رہےکہ پرنسپل ایچی سن کالج مائیکل تھامسن نے گورنر پنجاب بلیغ الرحمان پر سیاسی مداخلت کا الزام لگاتے ہوئے عہدے سے استعفا دے دیا تھا۔
گورنر پنجاب نے پرنسپل مائیکل تھامسن کی مرضی کے برخلاف احد چیمہ کے بچوں کی تین سال کی فیس معاف کرنے کا حکم دیا تھا جبکہ احد چیمہ کے بچوں کا داخلہ منسوخ کرنے کا پرنسپل کا فیصلہ بھی گورنر پنجاب نے واپس کرا دیا تھا۔
اس معاملے پر گورنر پنجاب بلیغ الرحمان نے اپنا موقف دیتے ہوئے کہا تھا کہ جو کلاسز بچوں نے نہیں لی ان کی فیس معاف کرنے کی درخواست دی گئی تھی،گورنر نے یہ بھی کہا تھا کہ پرنسپل مائیکل تھامسن 40 لاکھ روپے تنخواہ وصول کررہے تھے۔
