26 مارچ ، 2024 
یورپی کمیشن کا ایپل، الفابیٹ اور میٹا کیخلاف تحقیقات کا اعلان
26 مارچ ، 2024
یورپی کمیشن کی جانب سے نئے ڈیجیٹل مارکیٹس ایکٹ (ڈی ایم اے) قانون پر عملدرآمد میں مبینہ ناکامی پر 3 بڑی ٹیکنالوجی کمپنیوں کے خلاف تحقیقات شروع کرنے کا اعلان کیا گیا ہے۔
اس حوالے سے یورپی یونین کی جانب سے ایپل، میٹا اور گوگل کی سرپرست کمپنی الفابیٹ کے خلاف تحقیقات کی جائے گی۔
کمیشن کی جانب سے جاری بیان کے مطابق الفابیٹ، ایپل اور میٹا کی جانب سے اپنی پراڈکٹس کو ترجیح دی جاتی ہے اور کمیشن کو شک ہے کہ ان کمپنیوں کی جانب سے ڈی ایم اے پر مؤثر انداز سے عملدرآمد نہیں کیا گیا۔
یورپ میں 7 مارچ کو ڈیجیٹل مارکیٹس ایکٹ کا اطلاق ہوا تھا۔
اس قانون میں بائیٹ ڈانس، ایمازون، میٹا، ایبل، مائیکرو سافٹ اور الفابیٹ جیسی ٹیکنالوجی کمپنیوں کو گیٹ کیپر قرار دیا گیا تھا۔
ڈی ایم اے کا بنیادی مقصد گیٹ کیپر کمپنیوں کو اپنے پلیٹ فارم تھرڈ پارٹیز کے لیے کھولنے پر مجبور کرنا ہے تاکہ مسابقتی عمل آگے بڑھ سکے۔
ایپل، الفابیٹ اور میٹا اولین کمپنیاں ہیں جن کے خلاف ڈی ایم اے کے تحت تحقیقات کی جا رہی ہے۔
تحقیقات میں خلاف ورزی ثابت ہونے پر ٹیکنالوجی کمپنیوں پر ان کی سالانہ عالمی آمدنی کے 10 فیصد حصے کے برابر جرمانہ عائد کیا جائے گا۔
کمیشن کی جانب سے ایپل اور الفابیٹ کے فیس اسٹرکچر پر بھی سوالات اٹھاتے ہوئے کہا ہے کہ وہ ڈی ایم اے کے مطابق نہیں۔
واضح رہے کہ دونوں کمپنیوں کی جانب سے کچھ سروسز کے حوالے سے نئی فیسیں متعارف کرائی گئی ہیں۔
مزید خبریں :
سائنسدانوں کی ایسی منفرد ایجاد جو اے سی کی ضرورت ختم کردے گی
26 دسمبر ، 2024
فیس بک نے صارفین کو کمانے کا نیا موقع فراہم کردیا
26 دسمبر ، 2024
ناسا کا پارکر مشن سورج کے قریب ترین جانے میں کامیاب
25 دسمبر ، 2024
گوگل والٹ پیمنٹ سسٹم پاکستان آنے کیلئے تیار
25 دسمبر ، 2024
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
