پاکستان ٹیم کی کپتانی کا معاملہ: سلیکٹرز شاہین کو تبدیل کرنے کے حوالے سے تقسیم

پاکستان کرکٹ ٹیم کی کپتانی کا معاملہ ان دنوں  پھر خبروں کی زینت بنا ہوا ہے، امکان ہے کہ بابر اعظم کو دوبارہ ٹی ٹوئنٹی کی کپتانی دی جارہی ہے۔

تاہم ایسے میں ذرائع کا کہنا ہے کہ قومی سلیکٹرز پاکستان ٹی ٹوئنٹی ٹیم کے موجودہ کپتان شاہین آفریدی کو تبدیل کرنے کے حوالے سے تقسیم ہیں۔

ذرائع کا کہنا ہے کہ سلیکٹرز نے کپتان کی تبدیلی پر ایک دوسرے سے مختلف وجوہات بیان کیں، سلیکٹرز شاہین آفریدی کو تبدیل کرنے کے حوالے سے کسی ایک بات پر متفق نہ ہوئے۔

دوسری جانب ذرائع کے مطابق شاہین آفریدی موجودہ صورتحال سے نالاں نظر آتے ہیں ، فٹنس کیمپ کے دوران بھی کھلاڑیوں کا موضوع گفتگو کپتانی ہی ہے۔

بابراعظم کو ایک بار پھر ٹی ٹوئنٹی ٹیم کا کپتان بنانے کا فیصلہ

بابراعظم عمرے کی ادائیگی کے بعد کاکول اکیڈمی میں جاری ٹریننگ سیشن کو بطور کپتان جوائن کریں گے: ذرائع

ذرائع کا کہنا ہے کہ کپتانی کے معاملے پر سلیکٹرز اور شاہین آفریدی کے درمیان باضابطہ رابطہ بھی ہوا ہے۔

واضح رہے کہ چیئرمین پی سی بی محسن نقوی نے کپتان کے حوالے سے ذمہ داری سلیکٹرز کو سونپی ہوئی ہے۔

اس سے قبل ذرائع کے مطابق پی سی بی نے بابراعظم کو ایک بار پھر ٹی ٹوئنٹی ٹیم کا کپتان بنانے کا فیصلہ کرلیا ہے اور بورڈ چند گھنٹوں میں اس کا باقاعدہ اعلان کرے گا۔