شاہین سمیت بعض کھلاڑی کچھ میچز میں آرام کرینگے، نیوزی لینڈ سے سیریز میں روٹیشن پالیسی اپنانے کا فیصلہ

نیوزی لینڈ کے خلاف  ہوم سیریز میں روٹیشن پالیسی اپنانے کا فیصلہ کیا گیا ہے۔

روٹیشن پالیسی کے تحت فاسٹ بولر شاہین آفریدی سمیت کچھ کھلاڑی تمام میچز میں شرکت نہیں کریں گے، سلیکشن کمیٹی قومی ٹیم کے کپتان بابراعظم سے اس حوالے سے مشاورت کرے گی۔

دوسری جانب آرمی اسکول آف فزیکل ٹریننگ میں کرکٹرز کی مختلف مشقوں کا سلسلہ جاری ہے۔

اس حوالے سے شاہین شاہ آفریدی  کا کہنا ہے کہ ٹریننگ اچھی ہو رہی ہے ، سب انجوائے کر رہے ہیں، فٹنس میں بہت بہتری آئے گی۔

نیوزی لینڈ کیخلاف شاہین کو آرام دیا جائیگا؟ سلیکٹرز کی کپتان سے مشاورت آج ہوگی

شاہین شاہ آفریدی سمیت کھلاڑیوں کو آرام کی غرض سے روٹیشن پالیسی پر اجلاس میں بات ہو گی: ذرائع

دوسری جانب   آل راؤنڈر شاداب خان کا کہنا ہے کہ ٹی ٹوئنٹی ورلڈ کپ آرہا ہے،کیمپ کا بہت فائدہ ہوگا۔

واضح رہے کہ رواں ماہ نیوزی لینڈ کرکٹ ٹیم 5 ٹی ٹوئنٹی میچز کی سیریز کے لیے پاکستان پہنچ رہی ہے اور  سیریز کا آغاز 18 اپریل سے ہو گا۔

ذرائع کا کہنا ہے کہ 5 میچز کی سیریز کے لیے 17 سے 18 کھلاڑیوں کا اعلان جلد کیا جائے گا، ان ہی میں سے ٹی ٹوئنٹی ورلڈکپ کے لیے ٹیم کا اعلان ہو گا ۔

ٹی ٹوئنٹی ورلڈ کپ کے لیے اسکواڈز کے اعلان کی ڈیڈ لائن یکم مئی ہے، 25 مئی تک اسکواڈز میں تبدیلی کی جا سکے گی اس کے بعد آئی سی سی کی اجازت درکار ہوگی۔