اسٹریٹ کرائم پر کنٹرول کیلئے کرمنل جسٹس سسٹم میں بہتری کی ضرورت ہے: آئی جی سندھ

آئی جی سندھ غلام نبی میمن نے کہا ہے کہ کراچی میں اسٹریٹ کرائم پر قابو پانے کیلئے پولیس کے ساتھ تمام اداروں کو اپنے فرائض انجام دینے چا ہئیں۔

کراچی میں کرائم رپورٹرز کے اعزاز میں دیے گئے افطار کے موقع پر بات چیت کرتے ہوئے غلام نبی میمن کا کہنا تھا کہ دنیا بھر میں اسٹریٹ کرائمز ہوتا ہے لیکن اس پر قابو پانے کیلئے تمام ادارے اپنا کام کرتے ہیں۔

صحافیوں سے اپنی گفتگو میں انہوں نے کہا کہ کرائم کو کنٹرول کرنے کیلئے کرمنل جسٹس سسٹم میں بھی بہتری کی ضرورت ہے۔

آئی جی سندھ کا کہنا تھا کہ پولیس جرائم پیشہ افراد کو گرفتار تو کر لیتی ہے لیکن وہ کچھ ہی عرصے میں رہا ہوجاتے ہیں۔