04 اپریل ، 2024 
فیصل آباد: بچے سے زیادتی کے ملزم کی رہائی پر پولیس کا ہائیکورٹ سے رجوع کرنےکا فیصلہ
04 اپریل ، 2024
فیصل آباد کے علاقے تاندلیانوالہ میں 12 سالہ بچے سے زیادتی کے الزام میں گرفتار ملزم کی رہائی پر پولیس نے ہائی کورٹ سے رجوع کرنےکا فیصلہ کیا ہے۔
ہائی کورٹ سے رجوع کرنے کے معاملے پر پولیس کی ایس ایس پی انویسٹی گیشن، ایس پی صدراور ڈی ایس پی لیگل پرمشتمل تفتیشی ٹیم تشکیل دے دی گئی ہے۔
واضح رہےکہ گزشتہ ماہ 22 مارچ کو فیصل آباد کی تحصیل تاندلیانوالہ میں ایک شخص نے اپنے بیٹے کے ساتھ زیادتی کی کوشش کے الزام میں علاقے کے معلم کے خلاف ایف آئی آر درج کروائی تھی جس کے بعد اگلے دن یعنی 23 مارچ کو پولیس نے معلم کو گرفتار کرلیا تھا۔
لیکن بعد میں مجسٹریٹ کے سامنے ملزم کی پیشی کے وقت بچے کے والد نے مدعی کے متعلق غلط فہمی ہونے کا بیان دیا جس پرمجسٹریٹ نےملزم کو کیس سےڈسچارج کردیا تھا اور والد کی جانب سے بیان واپس لینےکے بعد پولیس نے واقعےکی مزید تحقیقات چھوڑ دی تھیں۔
دوسری جانب اس حوالے سے جب مقامی میڈیا نے بچے کے والد سے پوچھا تھا کہ آپ نے معلم کو کیوں معاف کیا؟ تو اُنہوں نے کہا تھا کہ میں نے اللہ کی رضا کے لیے ملزم کو معاف کردیا ہے۔
مزید خبریں :
کسان اتحاد کا زرعی ٹیکس کے خلاف احتجاج کا اعلان
3 گھنٹے پہلے
پی ٹی آئی کے ایک اور نائب صدر عہدے سے مستعفی
6 گھنٹے پہلے
بلاول کے اظہار ناراضی کے باوجود حکومت کو کوئی خطرہ نہیں
10 گھنٹے پہلے
