05 اپریل ، 2024 
پاکستان
مسافروں کو واپس دبئی ٹرمینل پر لایا گیا اور آدھے گھنٹے بعد دوبارہ دوسرے جہاز پر سوار کروایا گیا: ذرائع/ اسکرین گریب
دبئی کراچی کی غیر ملکی پرواز تاخیر کا شکار، مسافروں کو 2 مرتبہ جہاز پر بٹھا کر اتار دیا گیا
05 اپریل ، 2024
دبئی کراچی کی غیر ملکی ائیرلائن کی پرواز فنی خرابی کے باعث تاخیر کا شکار ہوگئی جس کے پیش نظر مسافروں کو 2 مرتبہ جہاز پر بٹھا کر اتار دیا گیا۔
ذرائع کے مطابق پرواز FZ333 پاکستانی وقت کے مطابق 8:20 پر روانہ ہونا تھی تاہم رن وے پر اڑان بھرنے سے پہلے جہاز کے ایک انجن میں خرابی کی نشاندہی ہوئی۔
ذرائع کا بتانا ہے کہ مسافروں کو واپس دبئی ٹرمینل پر لایا گیا اور آدھے گھنٹے بعد دوبارہ دوسرے جہاز پر سوار کروایا گیا۔
ذرائع کا مزید بتانا ہے کہ دوسرا جہاز بھی رن وے پر لایا گیا مگر وہ بھی خراب ہوگیا جس کے باعث دوبارہ فنی خرابی کے باعث پائلٹ اڑان نہ بھر سکا۔
