سعودی اعلیٰ سطح کے وفد کی 16 اپریل کو پاکستان آمد متوقع
14 اپریل ، 2024
سعودی عرب کے ایک اعلیٰ سطح کے وفد کی 16 اپریل کو اسلام آباد آمد متوقع ہے۔
ذرائع کے مطابق سعودی وفد کی قیادت سعودی وزیرخارجہ کریں گے۔ ذرائع کا کہنا ہے کہ وفد پاکستان میں سعودی سرمایہ کاروں کیلئے سرمایہ کاری کے مواقع کا جائزہ لے گا۔
وزیراعظم شہباز شریف کےحالیہ دورہ سعودی عرب میں سعودی قیادت نے پاکستان میں سرمایہ کاری کی یقین دہانی کرائی تھی۔
سعودی ولی عہد محمد بن سلمان اور وزیراعظم شہباز شریف کی ملاقات کے بعد مشترکہ اعلامیے میں پاکستان میں 5 ارب ڈالر مالیت کے سعودی سرمایہ کاری پیکج کا پہلامرحلہ جلد مکمل کرنے کے عزم کا اعادہ کیا گیا تھا۔
