Time 15 اپریل ، 2024
دنیا

مقبوضہ کشمیر: مسجدکی تعمیرکیلئے بیوہ کاعطیہ کیا گیا انڈہ سوا 2 لاکھ روپے میں نیلام

مقبوضہ کشمیر میں مسجدکی تعمیرکے لیے غریب بیوہ کا عطیہ کیا گیا انڈہ سوا 2 لاکھ بھارتی روپے میں نیلام ہوگیا۔

ضلع بارہ مولا کے علاقے سوپور  میں مسجدکے لیے چندے کی اپیل پر لوگوں نے نقدی کے ساتھ برتن، مرغیاں اور  چاول عطیہ کیے۔

اس موقع پر ایک غریب بیوہ  عطیے میں دینےکے لیے صرف ایک انڈہ لاسکی۔

فوٹو: ایکس
فوٹو: ایکس

منتظمین نے انڈہ نیلامی کے لیے پیش کیا تو اس کی پہلی بولی 10ہزار کی لگی اور سوا 2 لاکھ تک پہنچی۔

انڈہ خریدنے والےکشمیری تاجر نےکہا کہ  خالص اور  نیک جذبےکی کوئی قیمت نہیں ہوتی، وہ اس انڈےکو فریم کرا کےگھر میں محفوظ رکھےگا۔