17 اپریل ، 2024 
نشئی شوہر نے اپنی بیوی اور 2 بیٹیوں کو کلہاڑی کے وار سے قتل کردیا
17 اپریل ، 2024
بھارتی ریاست جھارکھنڈ میں نشے کے عادی شخص نے اپنی بیوی اور 2 بیٹیوں کو کلہاڑی کے وار سے قتل کردیا۔
بھارتی میڈیا کے مطابق یہ واقعہ جھارکھنڈ کے مغربی ضلع سنگھ بھوم میں پیش آیا جہاں بیوی اور بیٹیاں باپ کے ہاتھوں قتل ہوگئیں۔
مقامی پولیس نے بتایا کہ گروچرن پاڈیا نامی شخص نشے کا عادی تھا، یہ ہی وجہ ہے کہ گروچرن اور اس کی بیوی جانو کے درمیان اکثر جھگڑا رہتا تھا۔
پولیس کے مطابق گزشتہ روز بھی کسی معمولی بات پر دونوں میاں بیوی کے درمیان جھگڑا ہوا، اس دوران گروچرن نے نشہ کیا ہوا تھا اور اس نے کلہاڑی اٹھا کر اپنی بیوی پر حملہ کیا، ساتھ ہی اس نے اپنی 5 سالہ اور ایک سالہ بیٹی کو بھی کلہاڑی کے وار کرکے قتل کردیا۔
پولیس کے مطابق واقعے کی اطلاع ملتے ہی پولیس نے موقع پر پہنچ کر لاشوں کو تحویل میں لے کر ملزم کو گرفتار کرلیا۔
مزید خبریں :
کراچی میں فائرنگ سے صحافی ندیم احمد زخمی
11 گھنٹے پہلے
عارف والا میں بھائی نے غیرت کے نام پربہن کو قتل کردیا
19 نومبر ، 2024
