اسرائیلی وزیراعظم نے ایران کے ساتھ بڑھتی کشیدگی سے متعلق عالمی دباؤ مسترد کر دیا

اسرائیلی وزیراعظم بن یامین نیتن یاہو نے ایران کے ساتھ بڑھتی ہوئی کشیدگی میں تحمل سے کام لینے سے متعلق عالمی دباؤ مسترد کر دیا۔ 

اسرائیلی کابینہ سے خطاب میں نیتن یاہو نے کہا کہ انہوں نے برطانوی اور جرمن وزرائے خارجہ سے ملاقاتوں میں واضح کر دیا ہے کہ اسرائیل اپنے دفاع کیلئے جو ضروری ہوگا وہ کرے گا، دوستوں کی قابل قدر تجاویز اپنی جگہ لیکن اسرائیل اپنے فیصلے خود کرے گا۔ 

اسرائیلی وزیراعظم سے ملاقات کے بعد برطانوی وزیرخارجہ ڈیوڈ کیمرون کا کہنا تھا کہ اسرائیل نے فیصلہ کر لیا ہے کہ وہ ایران کو اس کے حملے کا جواب دے گا۔ 

جرمن وزیر خارجہ اینالینا بیئربوک کا کہنا تھا کہ مشرق وسطیٰ غیر متوقع صورتحال میں جانے کا متحمل نہیں ہوسکتا، خطے کے تمام فریقین کو ہوشیاری اور ذمہ داری کا مظاہرہ کرنا چاہیے۔

خیال رہے کہ دمشق میں ایرانی سفارت خانے پر اسرائیلی حملے کے جواب میں ایران نے ہفتے کی شب اسرائیل پر 300 سے زائد میزائل اور ڈرون داغے تھے۔

ایران پر معاشی دباؤ بڑھانے کیلئے کام کر رہے ہیں: جان کربی

ایران سے حملے کا پیغام ملا تھا لیکن کوئی وقت، ہدف یا ردعمل کی نوعیت شامل نہیں تھی: ترجمان امریکی قومی سلامتی

اسرائیل کی جنگی کابینہ نے ایران سے متعلق فیصلہ کرلیا

کشیدگی میں اضافہ نہیں چاہتے لیکن اسرائیل کی انتقامی کارروائی کا فوری اور پہلے سے زیادہ سخت جواب دیں گے: ایرانی وزیر خارجہ