18 اپریل ، 2024 
پاکستان
سوشل میڈیا ایپ ایکس پر پابندی ختم کی جائے، نگران دور میں ایکس پر لگائی گئی پابندی کا کوئی فائدہ نہیں ہوگا: رہنما (ن) لیگ/ فائل فوٹو
خواجہ سعد رفیق کا ایکس پر پابندی ختم کرنے کا مطالبہ
18 اپریل ، 2024
لاہور: مسلم لیگ (ن) کے رہنما اور سابق وزیر خواجہ سعد رفیق نے سوشل میڈیا ایپ ایکس پر پابندی ختم کرنے کا مطالبہ کردیا۔
ایک بیان میں سعد رفیق نے کہا کہ سوشل میڈیا ایپ ایکس پر پابندی ختم کی جائے، نگران دور میں ایکس پر لگائی گئی پابندی کا کوئی فائدہ نہیں ہوا۔
انہوں نے مزید کہا کہ جگ ہنسائی سے بچا جائے اور سیاست کا مقابلہ صرف سیاست سے ہوگا۔
واضح رہے کہ گزشتہ روز وزارت داخلہ نے سوشل میڈیا پلیٹ فارم ایکس کی بندش کے خلاف درخواست پر رپورٹ اسلام آباد ہائیکورٹ میں جمع کرائی جس میں کہا گیا تھا کہ حکومتی احکامات کی پاسداری نہ ہونے کی وجہ سے ایکس پر پابندی ضروری تھی۔
