19 اپریل ، 2024 
لانڈھی حملے میں استعمال موٹر سائیکل کے حوالے سے تحقیقات میں حیران کن انکشاف
19 اپریل ، 2024
کراچی کے علاقے لانڈھی میں ہونے والے خودکش حملے کی تحقیقات میں حیران کن انکشافات سامنے آئے ہیں۔
ذرائع کے مطابق کراچی کے مختلف علاقوں محمود آباد، اورنگی ٹاؤن اور سرجانی ٹاؤن میں کارروائیاں کی گئیں۔
ذرائع کا کہنا ہے کہ جس شہری کے نام پر موٹر سائیکل رجسٹرڈ ہے اسے حراست میں لے لیا گیا۔ پولیس ذرائع نے دعویٰ کیا کہ مذکورہ شہری کا شناختی کارڈ جعل سازی کے ذریعے استعمال کیا گیا۔
ذرائع کا کہنا ہے کہ شہری کا کہنا ہے اس نے کبھی موٹرسائیکل نہیں خریدی۔
خیال رہے کہ کراچی کے علاقے لانڈھی میں غیر ملکیوں کی گاڑی پر خود کش حملہ ہوا جس میں گاڑی میں سوار غیر ملکی محفوظ رہے، حملے میں ایک سکیورٹی گارڈ شہید ہوگیا جبکہ ایک حملہ آور نے خود کو دھماکے سے اڑادیا، دوسرا پولیس اور سکیورٹی گارڈ کی فائرنگ سے مارا گیا۔
ہلاک دہشت گرد سے ملنے والے بیگ سے چار دستی بم، رائفل، گرینیڈ، تین میگزین برآمد ہوئے۔
مزید خبریں :
کراچی میں فائرنگ سے صحافی ندیم احمد زخمی
11 گھنٹے پہلے
عارف والا میں بھائی نے غیرت کے نام پربہن کو قتل کردیا
19 نومبر ، 2024
