کپتان ندا ڈار نے ون ڈے انٹرنیشنل میں 100 وکٹوں کا اعزاز حاصل کر لیا

پاکستان ویمن کرکٹ ٹیم کی کپتان ندا ڈار نے ون ڈے انٹرنیشنل میچوں میں 100 وکٹیں مکمل کرنے کا اعزاز اپنے نام کرلیا۔

آف اسپنر ندا ڈار نے 100 ویں وکٹ 108 ویں ون ڈے انٹرنیشنل میں ویسٹ انڈیز ویمن ٹیم کے خلاف حاصل کی۔

دوسرا ون ڈے: 224 رنز کے تعاقب میں ویسٹ انڈیز ویمن ٹیم کی پاکستان کیخلاف بیٹنگ جاری

پاکستان کی جانب سے بسمہ معروف 65 رنز بناکر نمایاں رہیں، اس کے علاوہ سدرہ امین نے 50 رنز بنائے

انھوں نے رشادا ویلیمنز کی وکٹ لے کر 100ویں وکٹ حاصل کی، ندا ڈار 100 ون ڈے انٹرنیشنل وکٹیں لینے والی دوسری پاکستان ویمن کرکٹر ہیں۔

ندا ڈار سے پہلے سابق کپتان ثنا میر نے 120 ون ڈے انٹرنیشنل میچوں میں 151 وکٹیں حاصل کی ہیں جو کسی بھی پاکستانی ویمن کرکٹر کی جانب سے ون ڈے میں سب سے زیادہ وکٹیں ہیں۔