'بارش ہورہی ہے چائے پلا دو'، صائم سمیت کرکٹرز کی لاہور میں ابرار احمد سے فرمائش

لاہور میں بارش سے موسم خوشگوار ہوا تو پاکستانی کرکٹرز بھی اکٹھے ہوگئے۔

اس وقت پاکستان اور نیوزی لینڈ کی ٹیمیں ٹی ٹوئنٹی سیریز کے چوتھے اور پانچویں میچ کے لیے لاہور میں موجود ہیں۔

خوشگوار موسم میں صائم ایوب، عثمان خان، افتخار احمد اور زمان خان نے ابرار احمد سے چائے کی فرمائش کی۔

صائم ایوب نے ابرار احمد سے کہا کہ بارش ہورہی ہے چائے پلا دو جب کہ زمان خان کا کہنا تھا کہ باہر موسم بھی اچھا ہے، چائے کا موڈ ہے۔

ٹیم مینجمنٹ رضوان کا بیٹنگ آرڈر تبدیل کرنیکی خواہشمند، کپتان اور رضوان راضی نہیں: ذرائع

ٹیم مینجمنٹ محمد رضوان کی جگہ عثمان خان یا فخر زمان کو نمبر 3 پر کھلانا چاہتی ہے: ذرائع

زمان خان نے کہا کہ پتی تیز اور چینی کم رکھنی ہے کیونکہ میں ڈائٹ پر ہوں جب کہ افتخار احمد نے کہا کہ سنا ہے ابرار آپ چائے بہت اچھی بناتے ہیں۔

اس موقع پر ابرار احمد کا کہنا تھا کہ صائم بھائی آپ لوگ کل آجانا یار۔

واضح رہےکہ پاکستان اور نیوزی لینڈ کے درمیان 5 میچز کی سیریز کا پہلا میچ بارش کے باعث نہیں ہوسکا تھا جب کہ دوسرا میچ پاکستان نے اور تیسرا نیوزی لینڈ نے جیتا تھا۔

دونوں ٹیموں کے درمیان سیریز کا چوتھا اور پانچواں میچ لاہور میں شیڈول ہے۔