28 اپریل ، 2024 
ڈریپ کا جان بچانے والی اہم ادویات کی قلت کی تحقیقات کرانے کا فیصلہ
28 اپریل ، 2024
ڈرگ ریگولیٹری اتھارٹی آف پاکستان (ڈریپ) نے ملک میں جان بچانے والی ادویات کی کمی کے معاملے کی تحقیقات کا فیصلہ کرلیا۔
ذرائع کے مطابق سی ای او ڈریپ کی ہدایت پر صوبائی دفاتر کو مراسلہ ارسال کردیا گیا ہے جس میں کہا گیا ہے کہ جان بچانے والی ادویات کی دستیابی کے لیے مارکیٹ کی سرویلنس کی جائے اور ملک بھر کی میڈیسن مارکیٹس میں ہنگامی بنیاد پر سروے کیے جائیں۔
مراسلے کے مطابق صوبائی دفاتر تین روز میں ناپید ادویات کی تفصیلی رپورٹ فراہم کریں، ڈریپ سرویلنس ٹیمیں ناپید ادویات کی آن لائن انفرادی رپورٹنگ کریں۔
مراسلے میں کہا گیا ہے کہ ڈریپ ٹیمیں مارکیٹ سے ناپید ادویات کے متبادل برانڈز کی رپورٹنگ بھی کریں۔
مراسلے کے مطابق مختلف برانڈز کے انہیلر اور اینٹی الرجی ادویات ناپید ہونے کی شکایات ہیں، ڈریپ کا ادویات کی قلت دور کرنے کے لیے دواساز کمپنیوں اور امپورٹرز سے رابطہ ہے۔
ڈریپ کے مطابق انسانی جان بچانے والی ادویات کی دستیابی کے لیے خصوصی کمیٹی قائم ہے، کمیٹی کو جان بچانے والی ادویات کی قلت کے بارے میں شکایات ملی ہیں۔
سی ای او ڈریپ ڈاکٹر عاصم رؤف کا کہنا ہے کہ ملک میں معیاری ادویات کی مقررہ قیمت پر دستیابی ترجیح ہے، مارکیٹ سروے سے ادویات کی قلت کی اصل صورتحال واضح ہوگی۔
انہوں نے کہا کہ اہم ادویات کی دستیابی ہر صورت یقینی بنائیں گے، اہم ادویات کی دستیابی کے لیے مارکیٹ مانیٹرنگ بڑھائی جائے گی، فیلڈ ٹیمیں اہم ادویات کی دستیابی یقینی بنانے کے لیے اقدامات کریں۔
مزید خبریں :
سوئیڈن سگریٹ سے نجات پانے والا دنیا کا پہلا ملک بن گیا
21 نومبر ، 2024
رواں سال سندھ بھر میں ایچ آئی وی ایڈز کے مریضوں میں اضافہ
21 نومبر ، 2024
یورک ایسڈ کو کنٹرول کرنے والے بہترین مشروبات
21 نومبر ، 2024
ذیابیطس ٹائپ 2 جیسا مرض تیزی سے پھیلنے کی اہم وجہ دریافت
20 نومبر ، 2024
وہ عام عادت جس سے ہر عمر میں دماغ کو جوان رکھنے میں مدد ملتی ہے
20 نومبر ، 2024
سبز چائے پینے کا یہ اثر جانتے ہیں؟
19 نومبر ، 2024
