30 اپریل ، 2024 
پاکستان
ڈپٹی کمشنر حیدرآباد کا کہنا ہے کہ بچوں کو پولیو سے بچاؤ کے قطرے لازمی پلائیں__فوٹو: اے پی
بچوں کو پولیو کے قطرے نہ پلانے والے والدین پر جرمانہ اور سزا ہوگی
30 اپریل ، 2024
حیدرآباد میں بچوں کو پولیو سے بچاؤ کے قطرے پلانے سے انکار کرنے پر والدین پر جرمانےاور سزائیں دینے کا اعلان کردیا گیا۔
نوٹیفکیشن کے مطابق بچوں کو پولیو کے قطرے پلانے سے انکاری والدین کو ایک ماہ قید اور 50 ہزار روپے جرمانے کا سامنا کرنا پڑے گا۔
ڈپٹی کمشنر حیدرآباد کا کہنا ہے کہ بچوں کو پولیو سے بچاؤ کے قطرے لازمی پلائیں۔
واضح رہے کہ گزشتہ روز سے ملک بھر میں انسداد پولیس مہم کا آغاز ہوگیا ہے، قومی انسداد پولیو مہم اسلام آباد سمیت چاروں صوبوں میں چلائی جا رہی ہے۔
مہم کے دوران 2 کروڑ 4 لاکھ 42 ہزار سے زائد بچوں کی پولیو ویکسینیشن ہوگی، پولیو مہم چاروں صوبوں کے 91 اضلاع کی 3786 یوسیز میں جاری ہے۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
3 گھنٹے پہلے
کیا پیراتھائرائیڈکا علاج پاکستان میں ممکن ہے؟
5 گھنٹے پہلے
