02 مئی ، 2024 
واٹس ایپ میں گروپ چیٹس کے لیے ایک کارآمد فیچر کا اضافہ
02 مئی ، 2024
واٹس ایپ نے گروپ چیٹس کے لیے ایک نیا اور کارآمد فیچر متعارف کرایا ہے۔
میٹا کی زیر ملکیت میسجنگ ایپ کے اس نئے فیچر سے صارفین کو کسی گروپ چیٹ کے دوران ایونٹ آرگنائز کرنے میں مدد ملے گی۔
یعنی صارفین کے لیے اکٹھے کسی کام یا تقریب کی منصوبہ بندی کرنا آسان ہو جائے گا اور دیگر ایپس کی ضرورت نہیں رہے گی۔
ہر فرد کسی بھی گروپ چیٹ میں ایونٹ فیچر کو استعمال کرسکے گا اور گروپ میں شامل ہر فرد اس کو دیکھ سکے گا۔
ایونٹس کو ہر گروپ کے انفارمیشن پیج میں بھی رکھا جائے گا، جبکہ ایونٹ کی تاریخ قریب آنے پر گروپ صارفین کو ایک نوٹیفکیشن کے ذریعے آگاہ کیا جائے گا۔
کمپنی کے مطابق یہ فیچر پہلے کمیونٹیز سے منسلک واٹس ایپ گروپس کے لیے متعارف کرایا جا رہا ہے۔
مگر آنے والے مہینوں میں یہ فیچر واٹس ایپ کے تمام گروپس کے لیے دستیاب ہوگا۔
واٹس ایپ کی جانب سے کمیونٹیز میں ایڈمنز کی جانب سے کیے گئے اعلانات پر ریپلائی کی سہولت کا اضافہ بھی کیا جا رہا ہے۔
یہ ریپلائیز صارفین کو کسی اعلان کے حوالے سے دیگر افراد کی رائے جاننے میں مدد فراہم کریں گے۔
ان ریپلائیز کے نوٹیفکیشنز کو بائی ڈیفالٹ میوٹ رکھا جائے گا۔
مزید خبریں :
میٹا نے فیس بک میسنجر میں متعددد نئے فیچرز متعارف کرا دیے
24 نومبر ، 2024
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
