کراچی اور لاہور میں ایک ایک پاسپورٹ آفس 24گھنٹےکھلا رہےگا

وفاقی  وزارت داخلہ  نے کراچی  اور  لاہور  میں ایک ایک پاسپورٹ آفس 24 گھنٹےکھلا رکھنےکا فیصلہ کیا ہے۔

ایک بیان میں وفاقی وزیر داخلہ محسن نقوی کاکہنا تھا کہ عوام کی سہولت کےلیے لاہور اور کراچی میں ایک ایک پاسپورٹ آفس 24گھنٹے کھلا رہےگا۔

محسن نقوی کا کہنا تھا کہ 24 گھنٹے پاسپورٹ دفتر کھلا رہنے سے شہری کسی بھی وقت پاسپورٹ بنوا سکتے ہیں۔

ان کا کہنا تھا کہ یہ اقدام پاسپورٹ تک شہریوں کی فوری رسائی آسان بنانےکے لیےکیا جا رہا ہے۔ کراچی میں عوامی مرکز شارع فیصل پر قائم ریجنل پاسپورٹ آفس اور لاہور میں گارڈن ٹاؤن کا ریجنل پاسپورٹ آفس 24 گھنٹےکھلا رہےگا۔