07 مئی ، 2024 
کھیل
فوٹو: ڈی جی پی آر
16 ویں چیف آف نیول اسٹاف انٹرنیشنل اسکواش چیمپئن شپ کل سے کراچی میں شروع ہوگی
07 مئی ، 2024
16 ویں چیف آف نیول اسٹاف انٹرنیشنل اسکواش چیمپئن شپ کا کل سے کراچی کے روشن خان جہانگیر خان اسکواش کمپلیکس میں آغاز ہوگا۔
کراچی میں پریس کانفرنس میں آرگنائزرز نے بتایا کہ ایونٹ 12 مئی تک جاری رہےگا جس میں عالمی رینکنگ کے 19 انٹرنیشنل اور 5 پاکستانی کھلاڑی حصہ لے رہے ہیں۔
ٹورنامنٹ میں مصر، ہانگ کانگ، ملائیشیا، جمہوریہ چیک، جاپان، جرمنی، انگلینڈ اور ہالینڈ سمیت 8 ممالک کے درمیان 23 میچز کھیلے جائیں گے۔
اس کے علاوہ ایونٹ میں بوائز انڈر 15 اور انڈر 13 اور گرلز انڈر 15 کے مقابلے بھی ہوں گے۔
ہر کیٹیگری میں 15 میچز کھیلے جائیں گے، چیمپئن شپ کی انعامی رقم 20 ہزار ڈالر رکھی گئی ہے، ایونٹ کے آغاز سے قبل افتتاحی تقریب بھی منعقد کی جائے گی۔
