پیرس اولمپکس میں بہترین کارکردگی ٹارگٹ ہے: ارشد ندیم

اولمپیئن ارشد ندیم کا کہنا ہے کہ ان کی  جنوبی افریقا میں آؤٹ ڈور ٹریننگ شاندار رہی اور اب پیرس اولمپکس میں بہترین کارکردگی ان کا ہدف ہے۔

اولمپیئن جیولین تھرور ارشد ندیم نے جنوبی افریقا میں  5 ہفتے کی آؤٹ ڈور ٹریننگ مکمل کر لی جس دوران انہوں نے بھرپور تھرو پر کام کیا۔

ارشد ندیم نے کہا کہ آؤٹ ڈور سیشنز بڑے شاندار رہے اور تھرو میں بہتری آئی ہے، کوچ ٹرسیوس لیبنبرگ نے تکنیک کو بہت بہتر بنایا ہے اور اب  فٹنس کے لحاظ سے بھی پہلے سے بہت بہتر محسوس کررہا ہوں۔

انہوں نے مزید کہا کہ مکمل ردہم میں ہوں اور اب انٹر نیشنل مقابلوں میں فرق نظر آئے گا، پیرس اولمپکس میں بہترین کارکردگی میرا ہدف ہے۔

 ارشد ندیم دو انڈور سیشنز کے بعد آئندہ ہفتے وطن واپس آجائیں گے۔

پاکستان 13 سال بعد اذلان شاہ ہاکی کپ کے فائنل میں پہنچ گیا

جاپان نے ملائیشیا کو 1-2 سے شکست دی جس کے بعد پوائنٹس ٹیبل پر پاکستان اور جاپان 10 ، 10 پوائنٹس کے ساتھ فائنل میں پہنچے

بھارتی جیولین تھرور نیرج چوپڑا نے ارشد ندیم کیلئے آواز بلندکردی

مجھے یقین ہے جیولین بنانے والے ارشد ندیم کو اسپانسر کرکے خوش ہوں گے، ارشد ندیم کو جو چاہیے اسے دینا چاہیے، یہی میری درخواست ہے، نیرج چوپڑا