لاہور سمیت پنجاب کے کئی شہروں میں بارش، حادثات میں 17 زخمی

لاہور اور  فیصل آباد سمیت پنجاب کے کئی شہروں میں رات گئے تیز ہواؤں کے ساتھ بارش ہوئی  جس دوران مختلف حادثات میں 17 افراد زخمی ہوگئے۔

محکمہ موسمیات کے مطابق  آج بھی اسلام آباد، پنجاب، خیبر پختونخوا، گلگت بلتستان اور کشمیر میں آندھی کے ساتھ جھکڑ چلنے اور بارش کا امکان ہے۔

محکمہ موسمیات کا بتانا ہے کہ گزشتہ روز فیصل آباد سمیت پنجاب کے کئی شہروں میں رات گئے تیز ہواؤں کے ساتھ بارش ہوئی جس دوران مختلف حادثات میں 17 افراد زخمی ہوگئے۔

پنجاب کے بیشتر اضلاع میں آج رات آندھی اور گرج چمک کے ساتھ بارش کا امکان

مری، گلیات، راولپنڈی لاہور، سرگودھا، منڈی بہاؤالدین، گجرات، گوجرانوالہ، سیالکوٹ سمیت دیگر اضلاع میں گرج چمک کے ساتھ بارش ہوگی: پی ڈی ایم اے

محکمہ موسمیات کے مطابق اسلام آباد اور جنوبی وزیرستان میں بھی بارش سے موسم خوشگوار ہوگیا۔

محکمہ موسمیات کا بتانا ہے کہ بالائی سندھ میں بعض مقامات پر بھی آندھی اور تیز ہواؤں کے ساتھ ہلکی بارش ہوسکتی ہے، مزید برآں بارش اور آندھی کا سلسلہ اتوار تک جاری رہنے کا امکان ہے۔