راولپنڈی: 9 مئی مقدمات کے 500 سے زائد ملزمان عدالت میں پیش، شبلی فراز اور دیگر کی ضمانتیں منظور

راولپنڈی: 9 مئی کے مقدمات میں نامزد سیکڑوں ملزمان کو عدالت میں پیش کردیا گیا۔

پولیس نے 9 مئی کے مقدمات میں نامزد 500 سے زائد ملزمان کو راولپنڈی کی انسداد دہشتگردی عدالت میں پیش کیا جہاں تمام ملزمان کی حاضری لگائی گئی۔

انسداد دہشتگردی عدالت نے پی ٹی آئی رہنماؤں شبلی فراز، راجہ بشارت، زرتاج گل اور  زین قریشی سمیت 20 سے زائد ملزمان کی ضمانتیں منظور کرلیں۔

اس کے علاوہ عدالت نے وزیراعلیٰ کے پی علی امین گنڈاپورکی حاضری سے استثنیٰ کی درخواست منظور کرتے ہوئے انہیں  اگلی سماعت پر عدالت  میں پیش ہونےکا حکم دیا۔

بعد ازاں عدالت نے 9 مئی کےمقدمات کی سماعت 29 مئی تک ملتوی کردی اور آئندہ سماعت اڈیالہ جیل میں ہوگی۔

9 مئی پر سرکاری رپورٹ، عمران اور دیگر کیخلاف شواہد پیش نہیں کیے گئے

تمام مطلوبہ شواہد متعلقہ حکام بشمول وزارت داخلہ، دفاع اور قانون کے پاس موجود ہیں، حکومت چاہے تو شواہد منظر عام پر لا سکتی ہے: ذرائع

9 مئی، عوام کا مسلح افواج سمیت تمام ریاستی اداروں پر اعتماد ختم ہوا: رپورٹ

رپورٹ میں دعویٰ کیا گیا ہے کہ 9 مئی کو 14 افراد ہلاک اور 423 زخمی ہوئے، جن میں زیادہ تر پولیس والے اور قانون نافذ کرنے والے دیگر اہلکار تھے