35 ملین ڈالر میں نیلام ہونے والی پینٹنگ

فرانسیسی آرٹسٹ کی پینٹنگ 35 ملین ڈالر میں نیلام ہوگئی۔

غیر ملکی میڈیا کے مطابق نیویارک میں سوتھبی اور رائیول کمپنیوں کی جانب سے  کرسٹیز نامی نیلام گھر میں موسم بہار کے فن پاروں کی نیلامی کا اہتمام کیا گیا۔

نیلامی کی اس تقریب میں 1893 میں بننے والی فرانسیسی آرٹسٹ کلاڈ مونیٹ کی Meules a Giverny نامی پینٹنگ کو نیلامی کیلئے پیش کیا۔

کلاڈ مونیٹ کا یہ فن پارہ تقریباً 25 ملین ڈا لر میں نیلام ہوا۔

دوسری جانب برطانوی میکسیکن فنکار لیونورا کیرنگٹن نے مہنگی ترین نیلامی میں اپنا ہی ریکارڈ توڑ ڈالا۔

 لیونورا کیرنگٹن کی پینٹنگ کا نام Les Distractions de Dagobert ہے جو رواں سال 28.5 ملین ڈالر میں نیلام ہوئی۔

سوتھبی کمپنی کی جانب سے بتایا گیا ہے کہ نیا ریکارڈ قائم کرنے کے بعد  لیونورا کیرنگٹن کا شمار نیلامی کے لحاظ سے 5 بہترین خواتین فنکاروں میں شامل کیا جا رہا ہے۔