17 مئی ، 2024 
امریکا میں مویشیوں سے انسان کو برڈ فلو لگنے کا پہلا کیس سامنے آگیا
17 مئی ، 2024
امریکا میں مویشیوں سے انسان کو برڈ فلو لگنے کا پہلا کیس سامنے آنے پر ماہرین صحت تشویش میں مبتلا ہو گئے ہیں۔
امریکی میڈیا کی رپورٹ کے مطابق ایک مقامی ڈیری فارمر کو برڈ بلو کا یہ وائرس اپنی گائے سے منتقل ہوا، یہ کیس جلد ہی پکڑا گیا اور سانس کی تکلیف شروع ہونے سے پہلے ہی مریض کا علاج شروع کر دیا گیا ہے۔
ماہرین کا خیال ہے کہ انسان سے انسان کو برڈ فلو لگنے کا امکان فی الحال بہت ہی کم ہے۔ تاہم پریشانی کی بات یہ ہے کہ امریکا میں پولٹری سے لائیو اسٹاک تک برڈ فلو پھیلنے کا بھی یہ پہلا کیس ہے۔
دنیا میں برڈ فلو کی حالیہ وبا 2020 میں پھوٹی تھی، تب سے یہ وائرس صرف پولٹری اور جنگلی جانوروں میں پایا گیا ہے۔
ماہرین کے مطابق پرندوں سے انسانوں کو لگنے والے برڈ فلو کے بہت کم کیسز دنیا میں سامنے آئے ہیں لیکن وہ انتہائی مہلک ثابت ہوئے ہیں۔
سائنسدانوں کا کہنا ہے کہ اِس وائرس کا پرندوں سے دودھ پلانے والے جانوروں تک پھیلنا ہی بہت بڑی بات ہے اور اب ثابت ہوا ہے کہ برڈ فلو گائے سے انسان کو بھی لگ سکتا ہے، تو اِس کی دوا کی تیاری کیلئے فوری اور بہت زیادہ ریسرچ کی ضرورت ہے۔
مزید خبریں :
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
ڈپریشن جیسے عام مرض سے بچنے کا آسان ترین طریقہ
17 دسمبر ، 2024
بلوچستان میں انسداد پولیو مہم ایک بار پھر مؤخر کردی گئی
17 دسمبر ، 2024
ہائی بلڈ پریشر کا خطرہ ظاہر کرنے والی علامات اور نشانیاں
15 دسمبر ، 2024
