ٹیریان کا نام ظاہر نہ کرنے پر عمران خان کیخلاف نا اہلی کیس: نیا 3 رکنی لارجر بینچ تشکیل

اسلام آباد ہائیکورٹ نے مبینہ بیٹی ٹیریان جیڈ کا نام ظاہر نہ کرنے پر بانی پی ٹی آئی عمران خان کے خلاف نا اہلی کیس کی سماعت کے لیے نیا لارجر بینچ تشکیل دے دیا۔

عمران خان کے خلاف مبینہ بیٹی ٹیریان کو کاغذات نامزدگی میں چھپانے پرنا اہلی کیس میں اسلام آباد ہائیکورٹ نے جسٹس طارق محمود جہانگیری کی سربراہی میں 3 رکنی نیا لارجر بینچ تشکیل دیا۔

جسٹس ارباب محمد طاہر،جسٹس ثمن رفعت امتیاز بھی لارجربینچ میں شامل ہیں۔ اسلام آباد ہائیکورٹ کا لارجربینچ کیس کی سماعت 21 مئی کو کرے گا۔

چیف جسٹس عامرفاروق نے خود کو ٹیریان جیڈ وائٹ کیس سے الگ کرلیا۔ 

اس سے قبل چیف جسٹس کی سربراہی میں 3 رکنی لارجربینچ سماعت کر رہا تھا۔ جسٹس محسن اخترکیانی اورجسٹس ارباب محمد طاہربھی اُس لارجربینچ کا حصہ تھے۔

اسلام آباد ہائیکورٹ کا ٹیریان کیس کی سماعت کیلئے لارجر بینچ تشکیل دینے کا فیصلہ

گزشتہ روز چیئرمین تحریک انصاف عمران خان نے اپنی مبینہ بیٹی ٹیریان سے متعلق کیس میں تحریری جواب عدالت میں جمع کروایا تھا

واضح رہے کہ دوججزنے اپنے فیصلے میں ٹیریان کیس ناقابل سماعت قرار دیا تھا۔ 

جسٹس محسن اخترکیانی اور جسٹس ارباب طاہر نے اپنی رائے ویب پر اپ لوڈ کر دی تھی۔تاہم دوججزکی رائے کو ہائیکورٹ کی ویب سائٹ سے ہٹا دیا گیا تھا۔

دونوں ججز نے چیف جسٹس سے مشاورت کے بغیر اپنی رائے کو فیصلہ قرار دے کر اپ لوڈ کرایا تھا، چیف جسٹس کے دستخط سے فیصلہ جاری نا ہونے کے  باعث معاملے کی انکوائری کا  آرڈر کیا گیا تھا۔