18 مئی ، 2024 
پاکستان
زخمیوں کو فوری طور پر اسپتال منتقل کردیا گیا ہے جہاں ان کا علاج جاری ہے/فوٹوفائل
خوشاب: بریک فیل ہونے سے ٹرک کھائی میں جا گرا، ایک ہی خاندان کے 14 افراد جاں بحق
18 مئی ، 2024
پنجاب کے ضلع خوشاب میں ٹرک بے قابو ہو کر کھائی میں جا گرا جس کے نتیجے میں 14 افراد جاں بحق جبکہ 8 افراد زخمی ہوگئے۔
ریسکیو ذرائع کے مطابق حادثہ خوشاب میں پنج پیر مناواں روڈ پر بریک فیل ہونے سے باعث پیش آیا جس کے نتیجے میں ٹرک بے قابو ہو کر کھائی میں جا گرا۔
ریسکیو ذرائع کا بتانا ہے کہ حادثے میں خواتین سمیت 14 افراد جاں بحق ہوئے جبکہ 8 افراد زخمی بھی ہوئے۔
ریسکیو ذرائع کے مطابق جاں بحق افرادکا تعلق ایک ہی خاندان سے ہے، متاثرہ خاندان بنوں سے مزدوری کے لیےٹرک میں خوشاب آرہا تھا۔
ریسکیو حکام کے مطابق حادثے میں زخمی 8 افراد کو فوری طور پر ٹی ایچ کیو اسپتال منتقل کر دیا گیا ہے جہاں ان کا علاج جاری ہے۔
