20 مئی ، 2024 
دانتوں میں برش ناشتے سے پہلے کرنا چاہیے یا بعد میں؟ ڈاکٹرز نے جواب دیدیا
20 مئی ، 2024
ایک سوال جو لوگوں کے ذہنوں میں اکثر آتا ہے کہ دانت برش ناشتے سے قبل کرنا چاہیے یا بعد میں کیونکہ کوئی صبح اٹھنے کے ساتھ ہی دانتوں میں برش کرنے کا مشورہ دیتا ہے تو کوئی کُلی کرکے ناشتہ کرنے اور پھر دانتوں کو مانجھنے کا کہتا ہے۔
اب اس حوالے سے دانتوں کی ڈاکٹر نے اپنے سوشل میڈیا اکاؤنٹ پر وضاحت پیش کی ہے۔
ایسیکس سے تعلق رکھنے والی ڈینٹل تھراپسٹ اینا پیٹرسن، جو سوشل میڈیا پر دانتوں کے مشورے شیئر کرنے کے لیے مشہور ہیں، انہوں نے اس بات کی وضاحت کی ہے کہ آیا ناشتہ پہلے کرنا چاہیے یا دانتوں میں برش۔
ڈاکٹر اینا کے مطابق ناشتہ کرنے سے پہلے دانت صاف کرنے چاہئیں، ساتھ ہی انہوں نے یہ بھی بتایا کہ رات کو سونے سے قبل دانت کیوں صاف کرنا ضروری ہیں۔
انہوں نے وجہ بتاتے ہوئے کہا کہ صبح ناشتے سے قبل دانت برش کرنا اس لیے ضروری ہیں کہ رات بھر کے بیکٹیریا منہ کے اندر ہوتے ہیں اور صبح اٹھتے کے ساتھ ہی دانت برش کیے بغیر کچھ کھانے کا مطلب ہے کہ ان بیکٹیریاز کو کھلایا جارہا ہے۔
ڈاکٹر اینا کے مطابق اگر آپ صبح برش کرنے سے پہلے ناشتہ کرلیتے ہیں تو ضروری ہے کہ آپ 30 منٹ کے وقفے کے بعد برش کریں۔
غیر ملکی میڈیا رپورٹس کے مطابق چند اور ڈاکٹرز نے بھی ناشتے سے پہلے برش کرنے کا مشورہ دیا ہے۔
مزید خبریں :
اچھی نیند کا ایک اور بہترین فائدہ سامنے آگیا
11 دسمبر ، 2024
ہیپاٹائٹس بی جیسے دائمی مرض کے علاج کی تیاری میں اہم پیشرفت
11 دسمبر ، 2024
سردی کے ساتھ بڑھتی اداسی ؟ وجہ اور علاج کیا ہے؟
11 دسمبر ، 2024
گردوں میں پتھری کا خطرہ کیسے کم کریں؟
10 دسمبر ، 2024
وہ عام عادت جو یادداشت کو بہتر بنانے میں اہم کردار ادا کرتی ہے
10 دسمبر ، 2024
وہ عام غذا جو آپ کو موٹاپے کا شکار بنا سکتی ہے
09 دسمبر ، 2024
دل کا اپنا 'چھوٹا دماغ'ہوتا ہے، نئی تحقیق میں انکشاف
09 دسمبر ، 2024
روزانہ کافی پینے سے صحت پر کیا اثرات مرتب ہوتے ہیں؟
08 دسمبر ، 2024
