23 مئی ، 2024 
مرحوم ایرانی صدر ابراہیم رئیسی مشہد میں سپرد خاک
23 مئی ، 2024
ہیلی کاپٹر حادثے میں جاں بحق ہونے والے مرحوم ایرانی صدر ابراہیم رئیسی کو مشہد میں سپرد خاک کر دیا گیا۔
ایرانی میڈیا کے مطابق ابراہیم رئیسی کی تدفین مشہد میں روضہ امام علی رضا کے احاطے میں ہوئی۔
آج ابراہیم رئیسی کا جسد خاکی تدفین کے لیے مشہد میں امام علی رضا کے روضے پر پہنچا تو وہاں لوگوں کی بڑی تعداد موجود تھی۔
اس سے قبل شہر بیرجند میں بھی ابراہیم رئیسی کو الوداع کہنے کے لیے عوام کی بڑی تعداد نے شرکت کی تھی، ابراہیم رئیسی اوران کے رفقا کی نماز جنازہ کل تہران میں ادا کی گئی تھی۔ ایران کے سپریم لیڈر آیت اللہ خامنہ ای نے تہران میں ایرانی صدر ابراہیم رئیسی، وزیر خارجہ حسین امیر عبداللہیان اور دیگر کی نماز جنازہ ہ پڑھائی جس میں ہزاروں کی تعداد میں افراد نے شرکت کی۔
یاد رہے کہ ایرانی صدر ابراہیم رئیسی، ایرانی وزیرخارجہ اور دیگر 6 افراد اتوار کو ہیلی کاپٹر حادثے میں جاں بحق ہوئے تھے۔
مرحوموم ایرانی صدر اور رفقا کے اعزاز میں آج اقوام متحدہ جنرل اسمبلی میں ایک منٹ کی خاموشی اختیار کی گئی۔
واضح رہے کہ ایرانی صدر ابراہیم رئیسی کے ہیلی کاپٹر حادثے میں جاں بحق ہونے کے بعد نائب صدر محمد مخبر نے صدارتی ذمے داریاں سنبھال لی ہیں، ایران میں باقاعدہ صدارتی انتخاب 28 جون کو ہوگا۔
مزید خبریں :
حزب اللہ نے حسن نصراللہ کی تدفین کا اعلان کردیا
27 نومبر ، 2024
