25 مئی ، 2024 
پاکستان
لاہور کے علاقے باٹا پور، مناواں، شاہ پور اور شاہدرہ کے علاقے اضافی لوڈشیڈنگ سے متاثر ہیں/ فائل فوٹو
لاہور کے مختلف علاقوں میں طویل غیر اعلانیہ لوڈشیڈنگ سے عوام کا جینا محال
25 مئی ، 2024
لاہور کے مختلف علاقوں میں بجلی کی غیر اعلانیہ طویل لوڈ شیڈنگ کا سلسلہ جاری ہے۔
لاہور کے علاقے باٹا پور، مناواں، شاہ پور اور شاہدرہ کے علاقے اضافی لوڈشیڈنگ سے متاثر ہیں جب کہ کوٹ لکھپت، فیروز پور روڈ اور دیگر علاقوں میں بھی غیر اعلانیہ لوڈشیڈنگ نے عوام کا جینا مشکل کیا ہوا ہے۔
لیسکو ذرائع کے مطابق لیسکوکی طلب 4200 میگاواٹ اور کوٹہ 4 ہزار میگاواٹ ہے، سبزہ زار گرڈ اسٹیشن میں آگ لگنے کے بعد ٹرپنگ کا سامنا ہے، گرڈ اسٹیشن میں آگ لگنے کے بعد دیگر سسٹمزپردباؤ بڑھ گیا ہے۔
اس کے علاوہ دیہی علاقوں کے فیڈرز پر لوڈشیڈنگ کا دورانیہ کئی گھنٹے تک چلا گیا ہے۔
