آئی سی سی ٹی ٹوئنٹی ورلڈکپ: پاک بھارت میچ کا ایکشن راولپنڈی اسٹیڈیم میں !

آئی سی سی ٹی ٹوئنٹی ورلڈ کپ میں پاکستان اور بھارت کا میچ 9 جون کو نیو یارک میں ہوگا لیکن 11 ہزار کلو میٹر دور راولپنڈی میں موجود فینز بھی اپنے شہر کے اسٹیڈیم میں اس میچ کا مزہ لیں گے ۔

آئی سی سی نے پاک  بھارت میچ کے دوران راولپنڈی میں کرکٹ فینز کیلئے اس میچ کو انجوائے کرنے کا خاص انتظام کیا ہے۔

انٹرنیشنل کرکٹ کونسل کے ترجمان کے مطابق 9 جون کو نساؤ کاؤنٹی پارک نیو یارک میں پاک  بھارت میچ کے موقع پر پاکستان اور بھارت سمیت متعدد مقامات پر فینز پارک بنائے جائیں گے ۔ 

ٹی ٹوئنٹی ورلڈکپ: پاک بھارت میچ کے ٹکٹ کی قیمت 55 لاکھ سے بھی زیادہ

عام اسٹینڈ کے ٹکٹ کی قیمت 2 ہزار 750 ڈالرز یعنی پاکستانی روپے میں تقریباً پونے 8 لاکھ روپے تک پہنچ گئی ہے

آئی سی سی ترجمان کے مطابق پاکستان میں یہ فین پارک راولپنڈی کرکٹ اسٹیڈیم میں قائم ہوگا ۔ راولپنڈی کرکٹ اسٹیڈیم میں قائم فین پارک میں فینز نہ صرف بڑی اسکرین پر میچ انجوائے کریں گے بلکہ وہ گراؤنڈ پر آئی سی سی ایمبسیڈرز سے بھی ملاقات کرسکیں گے جبکہ اس موقع پر فینز کیلئے دیگر سرگرمیوں کا انتظام بھی کیا گیا ہے۔

آئی سی سی کے مطابق پاک بھارت میچ  کے موقع پر نیویارک، برمنگھم، جوہانسبرگ، دلی اور ٹیکساس میں بھی فین پارک ہوں گے اور ان فین پارک کو میچ سے 90 منٹ قبل تماشائیوں کیلئے کھول دیا جائے گا۔