بھارتی کرکٹر ہاردک پانڈیا کی اہلیہ نتاشا نے طلاق کی خبروں پر ردعمل دیدیا

بھارتی کرکٹ ٹیم کے نائب کپتان ہاردک پانڈیا کی اہلیہ اور سربین ماڈل و اداکارہ نتاشا نے طلاق کی خبروں پر ردعمل دیا ہے۔

گزشتہ کچھ روز سے نتاشا اور ہاردک کے درمیان علیحدگی کی خبریں زیر گردش ہیں جب کہ بھارتی میڈیا نے دونوں میں طلاق کی تصدیق بھی کردی ہے، البتہ جوڑے کی جانب سے براہ راست اس معاملے پر کوئی لب کشائی نہیں کی گئی۔

اب نتاشا نے ان خبروں پر ذو معنی ردعمل دیا ہے۔

ایکس پر شیئر کی گئی ایک ویڈیو میں سربیا کی ماڈل کو اپنی شادی کے خاتمے سے متعلق افواہوں کے بارے میں صحافی کے سوال کا جواب دیتے ہوئے دیکھا گیا۔

بھارتی کرکٹر پانڈیا کی اہلیہ سے علیحدگی کی افواہیں زیر گردش

ہاردک پانڈیا نے 31 مئی 2020 کو بالی وڈ اداکارہ نتاشا اسٹینکووچ سےممبئی کی ایک عدالت میں شادی کی تھی اور جوڑے کا ایک بیٹا بھی ہے۔

شادی کے اختتام سے متعلق پوچھے گئے سوال پر نتاشا نے جواب دیا کہ 'بہت شکریہ'۔

اس جواب پر بہت سے لوگوں کا خیال ہے کہ یہ ایک اشارہ ہے کہ طلاق صرف افواہ نہیں بلکہ حقیقت ہے۔ 

واضح رہے کہ ہاردک پانڈیا نے 31 مئی 2020 کو بالی وڈ اداکارہ نتاشا ( Natasha Stankovic) سے ممبئی کی ایک عدالت میں شادی کی تھی اور جوڑے کا ایک بیٹا بھی ہے۔

گزشتہ برس فروری میں ہاردک نے نتاشا سے ہی دوبارہ شادی کی تھی اور اب بھارتی میڈیا پر دونوں کی علیحدگی کی خبریں سامنے آرہی ہیں تاہم علیحدگی کے حوالے سے جوڑے کی جانب سے تردید یا تصدیق سامنے نہیں آسکی ہے۔

مارچ 2024 میں انڈین پریمیئر لیگ(آئی پی ایل ) کے دوران ہارک پانڈیا کی خراب کارکردگی کے باعث ان کی اہلیہ کو آن لائن تنقید کا نشانہ بنایا گیا تھا۔